(උදයම්,වීරකැටිය) – මෙරටට එරෙහි ජිනීවා යෝජනා සම්බන්ධව විමර්ශන සඳහා කිසිදු බාහිර පාර්ශවයක් අවශ්‍ය නොවන බව අග්‍රමාත්‍ය රනිල් වික්‍රමසිංහ මහතා පවසයි.
අග්‍රමාත්‍යවරයා මෙහිදී වැඩිදුරටත් සඳහන් කළේ මානව හිමිකම් කොමසාරිස්වරයාගේ වාර්තාවේ ඇතැම් කරුණු පිළිගත හැකි වුවද ඇතැම් කරුණුවලට එකඟවිය නොහැකි බවය.
වලස්මුල්ල ,නයිගල පූරාණ රජමහ විහාරස්ථානයේ පැවති උත්සවයකට එක්වෙමින් අග්‍රමාත්‍යවරයා මෙම අදහස් පළ කළේය.
