(උදයම්,කොළඹ) – වියලි කාලගුණ තත්ත්වය තවදුරටත් පැවතුන හොත් ජල විදුලි නිෂ්පාදනය දැඩි අර්බුදයට ලක්වන බව විදුලිබල අමාත්‍යාංශය පවසයි.
විදුලි නිෂ්පාදනයෙන් සියයට 90ක් මේවන විට ඉන්ධන සහ ගල් අඟුරු යොදාගනමින් සිදුකරනු ලබයි.
මෙම වියළි කාලගුණය හේතුවෙන් විදුලි සැපයුමෙන් මෙගාවොට් 60ක පමණ ධාරිතාවයක් ජාත්‍යන්තර ටෙන්ඩර් කැඳවීමක් මගින් ලබා ගැනීමට ඉදිරියේදී සිදුවන බව විදුලිබල අමාත්‍යාංශ ලේකම් සුරේන් බටගොඩ මහතා පෙන්වා දෙයි.
මේ අතර දිවයින හරහා විටින්විට හමන (පැ.කි.මී 40-50 පමණ) තරමක් තද සුළං සහ දිවයින අවට මුහුදු ප්රදේශවල හමන (පැ.කි.මී 60 පමණ) තද සුළං අද දිනයේද බලාපොරොත්තු විය හැකි බව කාලගුණ විද්යා දෙපාර්තමේන්තුව පවසයි.
දිවයිනේ උතුරු, උතුරුමැද, නැගෙනහිර, ඌව සහ වයඹපළාත් වලත් හම්බන්තොට දිස්ත්රික්කයේත් වැසි වාර කිහිපයක් ඇති වේ.
සෙසු ප්රදේශ වල, ස්ථාන කිහිපයක විශේෂයෙන් පස්වරු 2.00 න් පසු වැසි හෝ ගිගුරුම් සහිත වැසි ඇති විය හැක.
ගිගුරුම් සහිත වැසි ඇති වන විට එම ප්රදේශවල තාවකාලිකව තද සුළං ඇති විය හැක.
අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටියි.
