விநாயகர் சதுர்த் தியை முன்னிட்டு இன்றையதினம் (31) இரத்தினபுரி அருள்மிகு ஸ்ரீ திரிபுர சுந்தரி அம்பிகா சமேத இரத்தின சபேசர் ஆலயத்தில்
விநாயகர் சதுர்த்தி பூஜை வழிபாடு மற்றும் ஊர்வலம் வெகு சிறப்பாக இடம் பெற்றது.
இரத்தினபுரி சிவன் கோவிலிலும் ஏனைய பிரதேசங்களிலிருந்தும் 108 விநாயகர் சிலைகள் மற்றும் விசர்ஜன விநாயகர் வாகனங்களுடன் அணிவகுத்து ஊர்வலமாக இரத்தினபுரி திருவானக்கெட்டிய ஸ்ரீ கதிர்வேலாயுத சுவாமி ஆலயத்தில் பூஜைகள் செய்யப்பட்டு அங்கிருந்து பிரதான வீதி வழியாக ஊர்வலமாக இரத்தினசபேஷ்வரர் சிவன் ஆலயத்துக்கு எடுத்துச் செல்லப்பட்டு
அங்கு விசேட பூஜைகள் மற்றும் பஜனை, சிறப்பு சொற்பொழிவுகள் என்பன இடம்பெற்று அடியவர்களுக்கு அன்னதானம் வழங்கப்பட்டது.
பின்னர் இரத்தினபுரி பிரதான வீதி வழியாக புலுங்குபிடிய பாலத்திற்கருகில் ஓடும் களுகங்கையில் விநாயகர் சிலைகள் விஷர்ஜனம் (தீர்த்த விழா) நடைபெற்றது.
மேற்படி ஊர்வலத்தில் இரத்தினபுரி மற்றும் கேகாலை மாவட்டங்களில் இருந்து ஆலய நிர்வாகத்தினர் மற்றும் அறநெறி பாடசாலைகள், இந்து அமைப்புகள் உட்பட பெரும்பாலான பக்த அடியார்களும் கலந்து கொண்டனர்.
-சிவா ஸ்ரீதரராவ் இரத்தினபுரி