முன்னாள் பிரதியமைச்சர் சரண குணவர்தனவுக்கு எதிராக இலஞ்சம், ஊழல் ஆணைக்குழுவால் தாக்கல் செய்யப்பட்ட வழக்கை விசாரிக்க கொழும்பு உயர் நீதிமன்றம் நேற்று (24) உத்தரவிட்டுள்ளது.
அபிவிருத்தி லொத்தர் சபையின் தலைவராக இருந்த காலத்தில், நிறுவனத்துக்கு வாடகைக்கு எடுக்கப்பட்ட வாகனங்களை தவறாகப் பயன்படுத்தியதன் மூலம் அரசாங்கத்துக்கு நஷ்டம் ஏற்படுத்தியதாக அவர் மீது குற்றம் சாட்டப்பட்டது.
இந்த வழக்கு கொழும்பு உயர் நீதிமன்ற நீதிபதி லங்கா ஜெயரத்ன முன்னிலையில் விசாரணைக்கு வந்தது.
நீதிமன்றத்தில் சாட்சியங்களை முன்வைத்த பிரதிவாதி சட்டத்தரணி லங்கா ஜெயரத்ன கொழும்பு தலைமை நீதிவானாக இருந்தபோது பிரதிவாதியின் வழக்கு விசாரணைக்கு எடுத்துக் கொள்ளப்பட்டதால், வழக்கை வேறு நீதிமன்றத்துக்கு மாற்றுமாறு கோரினார்.
அதன்படி, தொடர்புடைய வழக்கு பொருத்தமான நீதிமன்றத்துக்கு அனுப்புவதற்காக கொழும்பு தலைமை உயர் நீதிமன்ற நீதிபதி மஞ்சுள திலகரத்னவிடம் பரிந்துரைக்கப்பட்டது.