இலங்கை முதலீட்டு சபையின் தலைவர் அர்ஜுன ஹேரத் தனது பதவியை இராஜினாமா செய்ய முடிவு செய்துள்ளதாக தெரிவிக்கப்படுகிறது.
ஊடகங்களுக்கு அளித்த பேட்டியில், இந்த மாதம் 31 ஆம் திகதி வரை மட்டுமே பதவியில் இருப்பேன் என்று கூறினார்.
அரசாங்கத்தின் வேண்டுகோளின் பேரில் ஒரு குறிப்பிட்ட காலத்துக்கு இந்தப் பதவியை ஏற்றுக் கொண்டதாகவும், சில நாட்களுக்கு முன்பு தன்னை அதிலிருந்து விடுவிக்குமாறு அதிகாரிகளிடம் கோரியதாகவும் அவர் கூறினார்.
இந்நிலையிலேயே முதலீட்டுச் சபையின் தலைவர் தனிப்பட்ட காரணங்களுக்காக தான் பதவியில் இருந்து விலகுவதாகக் கூறியுள்ளார், இருப்பினும் தலைவராகத் தொடர கோரிக்கை விடுக்கப்பட்டுள்ளது.
அவர் மூன்று தசாப்தங்களுக்கும் மேலாக பொது மற்றும் தனியார் துறைகளில் ஏராளமான பதவிகளை வகித்துள்ளார், மேலும் கொழும்பு பங்குச் சந்தையின் பணிப்பாளர் குழுவின் உறுப்பினராகவும் உள்ளார்.
இலங்கை தரவு பாதுகாப்பு ஆணையத்தின் ஆரம்ப தலைவராகவும் இருக்கும் அர்ஜுன ஹேரத், ஏராளமான உள்ளூர் மற்றும் வெளிநாட்டு நிறுவனங்களில் பதவிகளை வகித்துள்ளார்.