(UTV | கொழும்பு) – எரிபொருள் விலைகளை நேற்று(21) நள்ளிரவு முதல் லங்கா ஐஓசி நிறுவனம் அதிகரித்துள்ளது.
அதற்கமைய, ஒக்டென் 92 வகை பெற்றோல் லீற்றரொன்றின் விலையை 5 ரூபாவினால் அதிகரிக்க தீர்மானித்துள்ளது.
அத்துடன், ஒட்டோ டீசல் லீற்றரொன்றின் விலையையும் 5 ரூபாவினால் அதிகரிக்க தீர்மானிக்கப்பட்டுள்ளதாக தெரிவிக்கப்பட்டுள்ளது.
எனினும், ஒக்டென் 95 பெற்றோல் மற்றும் சுப்பர் டீசல் விலைகளில் எவ்வித மாற்றமும் மேற்கொள்ளப்படவில்லை என லங்கா ஐஓசி தெரிவித்துள்ளது.
இந்நிலையில் விலை அதிகரிப்பு தொடர்பில் சிபெட்கோ எவ்வித அறிவிப்பினையும் முன்வைக்கவில்லை என்பதும் குறிப்பிடத்தக்கது.
