முன்னாள் ஜனாதிபதி மஹிந்த ராஜபக்க்ஷ வசித்த கொழும்பு 07, விஜேராம மாவத்தையில் அமைந்துள்ள வீட்டின் மின்சாரம் மற்றும் நீர் விநியோக இணைப்புகள் நேற்று முன்தினம் (07) மின்சாரம் மற்றும் நீர் கட்டண நிலுவைத் தொகை காரணமாக துண்டிக்கப்படவிருந்தன.
தேசிய நீர் வழங்கல் வடிகால் சபை அதிகாரிகள் நீர் இணைப்பை துண்டிக்க அங்கு சென்றுள்ளனர்,
மேலும் 100,000 ரூபா மின்சார கட்டண நிலுவைத் தொகை காரணமாக மின்சாரத்தை துண்டிக்க மின்சார சபையினர் அங்கு சென்றுள்ளனர்.
தற்போது அங்கு பாதுகாப்புப் பணியாளர்கள் மட்டுமே இருப்பதாகவும், அவர்கள் திரும்பி வந்துள்ளதாகவும் வட்டாரங்கள் தெரிவிக்கின்றன.
இது தொடர்பாக, தேசிய நீர் வழங்கல் மற்றும் வடிகால் சபையின் தலைவர் சந்தன பண்டாரவிடம் ‘தினமின’ சிங்கள பதி்த வினவியபோது, அந்த வீட்டுக்கு 600,000 ரூபா நீர் கட்டணம் நிலுவையில் இருப்பதாகக் கூறப்பட்டது.
இந்த நிலுவை தொடர்பாக மேலும் நடவடிக்கை எடுப்பதற்கான வழக்கமான நடைமுறையின்படி, தேசிய நீர் வழங்கல் மற்றும் வடிகால் வாரிய ஊழியர்கள் நேற்று முன்தினம் (07) விஜேராம மாவத்தையில் அமைந்துள்ள இந்த வீட்டுக்கு நீர் விநியோகத்தைத் துண்டிக்கச் சென்றதாகவும் அவர் கூறினார்.
வீட்டில் நிறுத்தப்பட்டுள்ள பொலிஸ் அதிகாரிகள், நீர் கட்டண நிலுவைத் தொகை குறித்து பொறுப்பானவர்களுக்குத் தெரிவிக்க நடவடிக்கை எடுப்பதாகத் தெரிவித்ததிலிருந்து, வீட்டுக்கான நீர் விநியோகத்தைத் துண்டிக்க சபை நடவடிக்கை எடுக்கவில்லை என்றும் தலைவர் கூறினார்.