ஹபரணை – திருகோணமலை பிரதான வீதியில் வெடிபொருட்களை ஏற்றிச் சென்ற லொறி ஒன்று கைப்பற்றப்பட்டுள்ளது.
பொலிஸார் குறித்த லொறியை நிறுத்தி சோதனை செய்தபோது சாரதி இருக்கைக்கு அருகில் உள்ள டேஷ்போர்டுக்கு அடியில் C4 எனப்படும் அதிக சக்தி வாய்ந்த துப்பாக்கிப் பொடி அடங்கிய பையை கண்டுபிடித்ததாக பொலிஸார் தெரிவித்தனர்.
இதனையடுத்து வெடிபொருட களைக் கைப்பற்றியதுடன் லொறியின் சாரதியையும் கைது செய்ததாக பொலிஸார் தெரிவித்தனர்.
கைப்பற்றப்பட்டவை அதிக சக்தி வாய்ந்த வெடிபொருள் என்றும், இதனைக் கொண்டு செல்வது கண்டிப்பாக தடைசெய்யப்பட்டுள்ளது என்றும் பொலிஸார் தெரிவித்தனர்.
விசாரணையின் போது, கந்தளாய் பகுதியிலிருந்து தெற்கு பகுதிக்கு வெடிபொருட்களை கொண்டு செல்ல திட்டமிடப்பட்டிருந்ததாக தெரிய வந்தது.
சந்தேக நபரை இன்று (30) பக்கமுன சுற்றுலா நீதிவான் நீதிமன்றத்தில் ஆஜர்படுத்தப்பட நடவடிக்கை மேற்கொள்ளப்பட்டிருந்தது.