(UTV | கொழும்பு) – ஸ்ரீலங்கா பொதுஜன பெரமுனவின் நாடாளுமன்ற உறுப்பினர்கள், முன்னாள் மாகாணசபை உறுப்பினர்கள் மற்றும் உள்ளூராட்சி மன்ற உறுப்பினர்களை பிரதமர் மஹிந்த ராஜபக்ஷ இன்று (09) சந்திக்கவுள்ளதாக தெரிவிக்கப்படுகிறது.
ஜனாதிபதி கோட்டாபய ராஜபக்ஷ மற்றும் அமைச்சரவை அமைச்சர்கள் அடங்கிய குழுவினர் மே மாதம் 06 ஆம் திகதி இடம்பெற்ற விசேட அமைச்சரவைக் கூட்டத்தில் பிரதமர் மஹிந்த ராஜபக்ஷவை பதவி விலகுமாறு கோரியிருந்தனர்.
மாற்று அரசாங்கமொன்றை அமைக்க முடியும் என்ற உத்தரவாதத்திற்கு உட்பட்டு பதவி விலகுவதற்கு பிரதமர் இணக்கம் தெரிவித்திருந்தார்.
இந்தக் கூட்டத்தில் பிரதமர் மஹிந்த ராஜபக்ஷ இன்று தனது பதவி விலகலை அறிவிப்பாரா என்பது தெளிவாகத் தெரியவில்லை.