51 பொலிஸ் பரிசோதகர்கள் உதவி பொலிஸ் அத்தியட்சகர்களாக தரம் உயர்த்தப்பட்டுள்ளனர்.
போட்டி பரீட்சையின் அடிப்படையில் இந்த ஆண்டு மார்ச் 25 ஆம் திகதி முதல் அமுலாகும் வகையில் உதவி பொலிஸ் அத்தியட்சகர்களாக தரம் உயர்த்தப்பட்டுள்ளதாக பொலிஸ் ஊடகப் பிரிவு தெரிவித்துள்ளது.
இதற்காக உப பொலிஸ் பரிசோதகர், பொலிஸ் பரிசோதகர் மற்றும் தலைமை பொலிஸ் பரிசோதகர்கள் ஆகிய தரங்களில் சேவையாற்றியவர்களும் அடங்குகின்றனர்.
3 பெண் பொலிஸ் பரிசோதகர்களும், 2 பொலிஸ் விசேட அதிரடிப்படை அதிகாரிகளும் உதவி பொலிஸ் அத்தியட்சகர் பதவிக்கு தரம் உயர்த்தப்பட்டுள்ளதாக பொலிஸ் ஊடகப் பிரிவு மேலும் குறிப்பிட்டுள்ளது