(UTV | இலண்டன்) – இங்கிலாந்து அணி மூன்றாவது போட்டியிலும் வெற்றி பெற்று மூன்று போட்டிகள் கொண்ட டி-20 தொடரை 3-0 என்ற கணக்கில் கைப்பற்றி இலங்கை அணியை ‘வைட்வோஷ்’ செய்துள்ளது.
இங்கிலாந்துக்கு சுற்றுப் பயணம் மேற்கொண்டுள்ள இலங்கை, இங்கிலாந்துடன் மூன்று போட்டிகள் கொண்ட டி-20 மற்றும் ஒருநாள் போட்டிகளில் விளையாடி வருகிறது.
இதில் முதலாவதாக நடைபெற்ற டி-20 தொடரின் தொடக்க போட்டியில் 8 விக்கெட்டுகளினாலும், இரண்டாவது போட்டியில் 5 விக்கெட்டுகளினாலும் வெற்றி பெற்றிருந்தது இங்கிலாந்து.
இந்நிலையில் மூன்றாவது போட்டியானது நேற்றிரவு சவுத்தாம்ப்டனில் ஆரம்பமானது.
போட்டியில் நாணய சுழற்சியில் வெற்றி பெற்ற இலங்கை இம்முறை களத்தடுப்பை தேர்வு செய்ய இங்கிலாந்து முதலில் துடுப்பெடுத்தாட களமிறங்கியது.
