(UTV | கொழும்பு) – முன்னாள் ஜனாதிபதி கோட்டாபய ராஜபக்ஷ தனது தனிப்பட்ட பணத்தில் வெளிநாடுகளுக்குச் செலவழிப்பதாகவும், அதற்காக அரசாங்கப் பணம் எதுவும் பெறவில்லை எனவும் அரசாங்க தகவல் திணைக்களம் தெரிவித்துள்ளது.
முன்னாள் ஜனாதிபதி கோட்டாபய ராஜபக்ஷ வெளிநாடுகளில் மேற்கொள்ளும் எந்தவொரு செலவுக்கும் அரசாங்கப் பணத்தைச் செலவிடமாட்டார் எனவும், அதற்கான அனைத்துச் செலவுகளும் அவரது தனிப்பட்ட பணத்திலேயே மேற்கொள்ளப்படும் எனவும் அரசாங்க தகவல் திணைக்களம் விடுத்துள்ள அறிக்கையில் தெரிவிக்கப்பட்டுள்ளது.
தனது வெளிநாட்டுச் செலவுகள் குறித்து பல்வேறு நபர்களிடம் பிரசுரித்திருந்த போதிலும், அந்தச் செலவுகள் அனைத்தும் தனது தனிப்பட்ட பணத்திற்கே செலவிடப்பட்டதாக அவர் வலியுறுத்தியதாக அந்த அறிவிப்பில் சுட்டிக்காட்டப்பட்டுள்ளது.
ஊடகத்துறை அமைச்சர் பந்துல குணவர்தன இந்த வாரத்தில் அமைச்சரவை தீர்மானத்தை அறிவித்ததன் பின்னணியில், முன்னாள் மற்றும் தற்போதைய ஜனாதிபதிகளுக்கு சில உரிமைகள் உள்ளன என கோட்டாபய ராஜபக்ஷவின் வெளிநாட்டு செலவுகள் குறித்து கருத்து தெரிவித்திருந்த நிலையிலேயே இந்த தகவல் பகிரப்பட்டதாக மேலும் தெரிவிக்கப்பட்டுள்ளது.