(UDHAYAM, COLOMBO) – இந்திய மகளிர் கிரிக்கட் அணியின் தலைவர் மிதாலி ராஜ், மகளிர் ஒருநாள் கிரிக்கட் பிரிவில் அதிக ஓட்டங்களைப் பெற்றவர் என்ற சாதனையை ஏற்படுத்தியுள்ளார்.
அவுஸ்திரேலியா அணிக்கு எதிரான நேற்றைய போட்டியில் அவர் 69 ஓட்டங்களைப் பெற்றார்.
இதன்மூலம் ஒருநாள் போட்டிகளில் 6 ஆயிரத்து 28 ஓட்டங்களைப் பெற்று இந்த சாதனையை ஏற்படுத்தியுள்ளார்.
முன்னதாக 5 ஆயிரத்து 992 ஓட்டங்களைப் பெற்று இங்கிலாந்தின் அணித்தலைவர் சார்லட் எட்வர்ட்ஸ் இந்த சாதனையைப் படைத்திருந்தார்.
34 வயதான மிதாலி ராஜ் 1999ம் ஆண்டு முதல் 183 ஒருநாள் போட்டிகளில் விளையாடியுள்ளதுடன், 10 டெஸ்ட் மற்றுமம் 63 20க்கு20 போட்டிகளிலும் பங்கேற்றுள்ளார்.