நுவரெலியவின் எழில் மிகு சூழலில் அமைந்துள்ள அதி சொகுசு ஹோட்டலான The Golden Ridge ஹோட்டல் World Luxury Awards 2025 விருது விழாவில் மூன்று விருதுகளை வென்றுள்ளது.
சர்வதேச அளவில் அங்கீகாரம் பெற்றுள்ள மேற்படி விருது விழா சிங்கப்பூரின் PARKROYAL Hotel Pickering இல் சமீபத்தில் நடைபெற்றது.
சர்வதேச வெற்றியாளர் – சொகுசு மலைநாட்டு ஹோட்டல், தென்மேற்கு ஆசிய வெற்றியாளர் – சொகுசு நவீன ஹோட்டல், தென்மேற்கு ஆசிய வெற்றியாளர் – சொகுசு மலைநாட்டு ஹோட்டல் ஆகியவையே மேற்படி விருதுகளாகும்.
கடல் மட்டத்திலிருந்து 7,339 மீற்றர் உயரத்தில் இலங்கையின் மிக உயரமான நகரில் அமைந்துள்ள The Golden Ridge இற்கு வருகைத் தரும் விருந்தினர்களுக்கு சிறந்த விருந்தோம்பல் வசதிகளுடன் உயர் தரத்திலான வதிவிட அனுபவத்தையும் பெற முடியும். 5 ஏக்கர் பரப்பளவு வரை வியாபித்துள்ள இந்த ஹோட்டல் Deluxe, Deluxe Quadruple, Family Rooms, Junior Suites, Mountain View Suites ஆகிய பிரிவுகளுக்குரிய சொகுசு வசதிகளுடன் கூடிய 84 அறைகளை கொண்டுள்ளது.
விருந்தினர்களுக்கு Clovelly Kitchen, Skyline Rooftop Lounge & Bar, Sackville, Pedro Heights, Taylor’s Lounge & Bar ஆகிய உணவகங்களுக்குச் சென்று அறுசுவை உணவு மற்றும் பானங்களை சுவைக்க முடியும். விருந்தினர்களுக்கு அதி உச்ச சொகுசு வசதிகளை வழங்கக் கூடிய வகையில் உணவகங்கள் திட்டமிடப்பட்டுள்ளன.
அதன் தலைவர் ஸ்ரீயாநந்த விஜேகோன், பணிப்பாளர் சானுக்க விஜேகோன் மற்றும் பொது முகாமையாளர் புஷ்பிக்க உடவத்த ஆகியோரின் வழிகாட்டலின் கீழ் நாட்டின் சுற்றுலா மற்றும் விருந்தோம்பல் துறையின் முதன்மையான வர்த்தகநாமமாக திகழும் The Golden Ridge தமது பயணத்தில் இத்தகைய சர்வதேச விருதுகளை வென்றுள்ளமை அதன் வெற்றிப் பயணத்தின் மைல்கல்லாகும்.
“இந்த வெற்றியின் உண்மையான சொந்தக்காரரர்கள் உள்நாட்டு, வெளிநாட்டு சுற்றுலாப் பயணிகளும் அர்ப்பணிப்புடன் உழைக்கும் அதன் பணியாளர்கள் மற்றும் வர்த்தக பங்குதாரர்களுமே ஆவர்” என திரு ஸ்ரீயாநந்த விஜேகோன் தெரிவித்தார்.