தைப்பொங்கல் பண்டிகைக்காக கொழும்பிலிருந்து ஊர்களுக்குச் செல்லும் மக்களுக்கு போதுமான பஸ் சேவைகள் இருப்பதாக இலங்கை தனியார் பஸ் உரிமையாளர்கள் சங்கத்தின் தலைவர் கெமுனு விஜேரத்ன தெரிவித்துள்ளார்.
இதேவேளை தைப்பொங்கல் பண்டிகை மற்றும் வார இறுதி விடுமுறையை முன்னிட்டு, புகையிரத திணைக்களம் 4 விசேட ரயில்கள்களை சேவையில் இணைத்துள்ளதாக தெரிவிக்கப்பட்டுள்ளது.
அதன்படி, நேற்று முன்தினம் (10) முதல் ரயில்கள் சேவையில் இயக்கப்பட்டு வருவதாக புகையிரத திணைக்கள பொது முகாமையாளர் ஏ.டி. ஜெயசுந்தர தெரிவித்துள்ளார்.
கொழும்பு – கோட்டையிலிருந்து பதுளை நோக்கி இரவு 7.30 மணிக்கு ஒரு ரயில் புறப்படும் என்றும் மற்றைய ரயில் பதுளையில் இருந்து மாலை 5.40 மணிக்கு கொழும்பு – கோட்டை நோக்கி புறப்படும் என்றும் புகையிரத திணைக்களம் தெரிவித்துள்ளது.