(UTV | கொழும்பு) – இலங்கையில், Sputnik V கொரோனா தடுப்பூசியினை உற்பத்தி செய்ய ரஷ்யா விருப்பம் தெரிவித்துள்ளதாக, ஆங்கில நாளிதழொன்று செய்தி வெளியிட்டுள்ளது.
அத்துடன், தேசிய ஓளடதங்கள் ஒழுங்குபடுத்தல் அதிகார சபையின் அனுமதி பெறுவதற்காக ரஷ்யா காத்திருப்பதாகவும் குறித்த செய்தியில் தெரிவிக்கப்பட்டுள்ளது.
Sputnik V கொரோனா தடுப்பூசி ஏற்கனவே இந்தியாவில் உற்பத்தி செய்யப்பட்டு வருவதுடன், 300 மில்லியன் தடுப்பூசிகளை உற்பத்தி செய்வதற்கு ஒப்பந்தங்கள் மேற்கொள்ளப்பட்டுள்ளதாகவும் குறிப்பிடப்பட்டுள்ளது.
எனினும், Sputnik V கொரோனா தடுப்பூசி இலங்கைக்கு நன்கொடையாக வழங்கப்பட மாட்டாது எனவும், குறைந்த செலவில் தயாரித்து உள்ளூரில் பயன்படுத்துவதற்கு இலங்கைக்கு அனுமதி வழங்கப்படும் எனவும் தெரிவிக்கப்பட்டுள்ளது.
இதேவேளை, சீனாவின் Sinopharm நிறுவனம் இலங்கைக்கு 3 இலட்சம் கொரோனா தடுப்பூசிகளை இலவசமாக வழங்க முன்வந்துள்ளமையும் குறிப்பிடத்தக்கது.
BE INFORMED WHEREVER YOU ARE
எங்கிருந்தாலும் உடனுக்குடன்
කොතැන සිටියත් ඔබ දැනුවත්
