இம்மாத இறுதியில் இந்தியாவிற்கு பயணிக்கும் பசில்

(UTV | கொழும்பு) – நிதி அமைச்சர் பசில் ராஜபக்ஸ மார்ச் மாத இறுதிப்பகுதியில் இந்தியாவிற்கு விஜயம் மேற்கொள்வதற்கு தயாராகியுள்ளார்.

இந்திய வௌிவிவகார அமைச்சர் எஸ். ஜெயசங்கருடனான தொலைபேசி கலந்துரையாடலை அடுத்து இந்த தீர்மானம் எடுக்கப்பட்டுள்ளது.

இயலுமான அனைத்து சந்தர்ப்பங்களிலும் இலங்கைக்கு இந்தியா ஆதரவை வழங்கும் என இந்திய வெளிவிவகார அமைச்சர் உறுதியளித்துள்ளதாக கொழும்பில் உள்ள இந்திய உயர்ஸ்தானிகராலயம் ட்விட்டரில் பதிவிட்டுள்ளது.

வெளியுறவுத்துறை அமைச்சர் Dr.S.ஜெய்சங்கர் மற்றும் நிதி அமைச்சர் கௌரவ பசில் ராஜபக்‌ஷ ஆகியோர் பயனுள்ளதும் மனநிறைவானதுமான தொலைபேசி உரையாடல் ஒன்றை மேற்கொண்டிருந்தனர். சகலசாத்தியமானவழிகளிலும் இலங்கைக்கு தேவையான ஆதரவை இந்தியா தொடர்ந்து வழங்குமென வெளியுறவுத்துறை அமைச்சர் உறுதியளித்தார்.

— India in Sri Lanka (@IndiainSL) March 8, 2022