பிரபல அஸ்ஸாமிய இசையமைப்பாளர், பாடகர் சுபீன் கார்க் (Zubeen Garg), சிங்கப்பூரில் ஸ்கூபா டைவிங் செய்யும்போது ஏற்பட்ட விபத்தில் உயிரிழந்தார்.
அவருக்கு வயது 52. இந்த துயரச் செய்தி அஸ்ஸாம் மற்றும் வடகிழக்கு இந்தியாவின் இசை உலகில் பெரும் அதிர்ச்சியை ஏற்படுத்தியுள்ளது.
இன்று (19) பிற்பகல் சுமார் 1:30 மணிக்கு சிங்கப்பூரில் ஸ்கூபா டைவிங் செய்தபோது அவருக்கு சுவாசச் சிரமம் ஏற்பட்டது.
அவரை கடற்படை அதிகாரிகள் உடனடியாக சிங்கப்பூர் ஜெனரல் வைத்தியசாலைக்கு அனுப்பினர்.
அங்கு அவருக்கு CPR (மார்பு அழுத்த சிகிச்சை) அளிக்கப்பட்டபோதும், தீவிர சிகிச்சை பிரிவில் (ICU) அவர் உயிரிழந்தார்.
சுபீன் கார்க் சிங்கப்பூருக்கு வடகிழக்கு இந்தியா பண்டிகை (North East India Festival)க்காக சென்றிருந்தார்.
அங்கு இன்று இரவு நடக்கும் நிகழ்ச்சியில் அவர் பாடுவதற்காக திட்டமிட்டிருந்தார்.
விபத்துக்கு முன், அவர் X இல் ரசிகர்களை பண்டிகைக்கு அழைத்திருந்தார்: “நான் உங்களுடன் இருப்பேன்… வாருங்கள்!” என்று. அந்த வீடியோ இப்போது வைரலாகியுள்ளது.