தலைமறைவாக இருந்த டீச்சர் அம்மா நீதிமன்றத்தில் சரணடைந்தார்

தலைமறைவாக இருந்த டீச்சர் அம்மா என்றும் அழைக்கப்படும் ஹயேஷிகா பெர்னாண்டோ, நீர்கொழும்பு நீதவான் நீதிமன்றத்தில் சரணடைந்துள்ளார்.

குற்றம் சாட்டப்பட்டவர் சார்பாக ஆஜரான ஜனாதிபதி வழக்கறிஞர் அனுஜா பிரேமரத்ன, தனது கட்சிக்காரர் நீதிமன்றத்தில் சரணடைந்ததாக நீதிமன்றத்துக்கு தெரிவித்துள்ளார்.

கடந்த வாரம், கட்டான பொலிஸார், இளைஞர் ஒருவரைத் தாக்கியதாக சந்தேகத்தின் பேரில் சந்தேக நபரின் கணவரையும் நிறுவனத்தின் தலைவரையும் கைது செய்தனர்.

பின்னர் இந்த சந்தேக நபர்களை நேற்று (13) வரை விளக்கமறியலில் வைக்க நீதிமன்றம் உத்தரவிட்டது.

இந்த சம்பவத்தில் முக்கிய சந்தேக நபரைக் கைது செய்ய மூன்று பொலிஸ் குழுக்கள் ஈடுபடுத்தப்பட்டிருந்தாலும், இன்று (14) நீதிமன்றத்தில் சரணடையும் வரை அவரைக் கைது செய்ய முடியவில்லை.