ஆப்பிரிக்க நாடான ஜிம்பாப்வேயில் மரண தண்டனையை முற்றிலும் ரத்து செய்யும் முக்கியமான தீர்மானம் நிறைவேற்றப்பட்டுள்ளது.
கடந்த வாரம், மரண தண்டனை ரத்து தொடர்பான சட்டமசோதா நாடாளுமன்றத்தில் தாக்கல் செய்யப்பட்டு, இரு அவைகளின் ஏகமனதாக நிறைவேறியது. அதன்பின், அதிபர் எம்மர்சன் மனங்காக்வா இந்த சட்டமசோதாவிற்கு உத்தரவுரையிட்டு, சட்டமாக்கினார்.
மரண தண்டனைக்கு எதிரான முயற்சிகள் ஜிம்பாப்வேயில் பல ஆண்டுகளாகவே மரண தண்டனைக்கு எதிராக தீவிர பிரசாரம் மேற்கொள்ளப்பட்டது.
2017-ஆம் ஆண்டு அதிபராக பொறுப்பேற்ற எம்மர்சன் மனங்காக்வா, மரண தண்டனைக்கு எதிராக தனது எதிர்ப்பை பகிரங்கமாக வெளிப்படுத்தினார்.
அவர் 1960-களின் சுதந்திரப் போரில், மரண தண்டனையை எதிர்கொண்ட அனுபவம் கொண்டவர்.
தனது பதவியில் இருந்து, அவர் பொது மன்னிப்பு வழங்கும் அதிகாரத்தை பயன்படுத்தி, மரண தண்டனையை ஆயுள் தண்டனையாக மாற்றும் நடவடிக்கைகளை மேற்கொண்டார்.
இதனால், மரண தண்டனை முற்றிலுமாக ஒழிக்கப்பட வேண்டியதன் அவசியத்தை தொடர்ந்தும் வலியுறுத்தினார்.
மாற்றம் கொண்டுவரும் புதிய சட்டம்
இப்போதைய புதிய சட்டத்தின் மூலம், ஜிம்பாப்வேயில் மரண தண்டனை முழுமையாக நீக்கப்பட்டுள்ளது.
இதன் கீழ், தற்போது மரண தண்டனை விதிக்கப்பட்டிருந்த 60 கைதிகளின் தண்டனையும் ரத்து செய்யப்பட்டுள்ளது. அவர்களது தண்டனைகள் ஆயுள் தண்டனைகளாக மாற்றப்பட்டுள்ளன.
2005-ஆம் ஆண்டு ஜிம்பாப்வேயில் கடைசியாக ஒரு மரண தண்டனை நிறைவேற்றப்பட்டது. அதன் பிறகு, மரண தண்டனை அமல்படுத்தப்படவில்லை.
இந்த புதிய சட்டம், மனித உரிமை அமைப்புகள் மற்றும் சர்வதேச சமூகத்திடம் பெரிதும் பாராட்டைப் பெற்றுள்ளது.