(UTV | கொழும்பு) – இலங்கைக்கு இறக்குமதி செய்யப்பட்ட நான்கு எரிபொருள் தாங்கிகள் 180 மில்லியன் டொலர்களுக்கு மேல் செலுத்த முடியாத காரணத்தினால் கொழும்பு வெளி துறைமுகத்தில் பல நாட்களாக நங்கூரமிட்டுள்ளதாக இலங்கை பெற்றோலிய கூட்டுத்தாபனத்தின் உள்ளக தகவல்கள் தெரிவிக்கின்றன.
டீசல், பெட்ரோல் மற்றும் கச்சா எண்ணெய் ஏற்றிச் செல்லும் இரண்டு கப்பல்கள் அப்பகுதியில் நங்கூரமிட்டுள்ளதாகவும், அவற்றை விடுவிக்க டாலர்கள் இல்லாததால் கப்பல்கள் தாமதமாக கட்டணம் செலுத்த வேண்டியிருக்கும் என்றும் அந்த வட்டாரங்கள் தெரிவித்தன.
இரண்டு கப்பல்களிலும் 40,000 மெற்றிக் தொன்களுக்கும் அதிகமான டீசல் மற்றும் பெற்றோல் உள்ளதாகவும், இந்த இரண்டு கப்பல்களையும் துரிதமாக பெற்றுக்கொள்வதற்கு எரிசக்தி அமைச்சு நிதி அமைச்சுடன் பல தடவைகள் கலந்துரையாடியுள்ளதாகவும் தெரிவிக்கப்படுகிறது.
எவ்வாறாயினும், நிதி ஒதுக்கீடு செய்யப்படாமையால் இரண்டு டீசல் மற்றும் பெற்றோல் கப்பல்களும் நான்கு நாட்களுக்கு மேலாக கொழும்பு வெளி துறைமுகத்தில் நங்கூரமிட்டு நிறுத்தப்பட்டுள்ளதாக இலங்கை பெற்றோலிய கூட்டுத்தாபனத்தின் உள்ளக தகவல்கள் தெரிவிக்கின்றன.
டீசல் மற்றும் பெற்றோல் ஆகிய இரண்டு கப்பல்களும் இம்மாதம் 10ஆம் திகதிக்கு முன்னர் கையகப்படுத்தப்பட்டிருந்தால் தற்போது நிலவும் எரிபொருள் தட்டுப்பாடு ஓரளவுக்கு தணிந்திருக்கும் என அந்த வட்டாரங்கள் மேலும் தெரிவிக்கின்றன.