சீமெந்து விலை மீண்டும் உயரும் சாத்தியம்

(UTV | கொழும்பு) – அதிகரித்து வரும் எரிபொருள் விலையை கருத்தில் கொண்டு சீமெந்து விலையை அதிகரிக்க சீமெந்து நிறுவனங்கள் நடவடிக்கை எடுத்துள்ளதாக சீமெந்து விற்பனையாளர்கள் தெரிவிக்கின்றனர்.

அதன்படி தற்போது சந்தையில் 50 கிலோ எடையுள்ள சீமெந்து மூட்டை ரூ.2,300 – 2,350 வரை விற்பனை செய்யப்பட்டு வருவதுடன், புதிய சீமெந்தின் விலையை ரூ.500-600 வரை அதிகரிக்க சீமெந்து நிறுவனங்கள் நடவடிக்கை எடுத்துள்ளன.

சீமெந்து விலை உயர்வால் தேவை குறைந்துள்ளதாகவும் புதிய கட்டிடங்கள் கட்டும் பணி நிறுத்தப்பட்டுள்ளதால் கடைகளில் சீமெந்து இருப்பு வைக்கப்படுவதில்லை எனவும் ஹட்டன் பிரதேச சீமெந்து வியாபாரிகள் மேலும் தெரிவிக்கின்றனர்.