தற்போது பரவி வரும் மகாபலி நீரின் காரணமாக கிண்ணியா நகர சபை மற்றும் கிண்ணியா பிரதேச சபைகளுக்கிடையிலான அனைத்து வீதி போக்குவரத்தும் முற்றிலும் தடை செய்யப்பட்டுள்ளதாக தெரிவிக்கப்படுகிறது.
குறிஞ்சாக்கேணி பாலம் மற்றும் குட்டிகராரச் பாலம் வழியாக அதிகளவில் நீர் பாய்ந்து வருவதால் மக்கள் பயணம் செய்வது ஆபத்தான நிலையாக மாற்றமடைந்துள்ளது. நீர்மட்டம் வேகமாக அதிகரித்துள்ளதால் இரு பாலங்களையும் கடக்க முடியாத சூழல் உருவாகியுள்ளது.
இந்நிலையில், பாதுகாப்பு நடவடிக்கைகளுக்காக பொலிஸார், இராணுவத்தினர் மற்றும் கடற்படையினர் தொடர்ந்து பணியில் ஈடுபட்டு வருகின்றனர். அவசர கால மீட்பு நடவடிக்கைகளும் முன்னெடுக்கப்படுகின்றன.
நிலையை கண்காணித்து பதற்றமின்றி இருக்குமாறு பொதுமக்களிடம் அதிகாரிகள் வேண்டுகோள் விடுத்துள்ளனர்.