රුපියල් කෝටි 50ක අල්ලස් මුදලක් ගත බවට හිටපු ආමාත්‍යවරයෙකුට චෝදනා

රුපියල් කෝටි 50ක අල්ලස් මුදලක් ගත බවට හිටපු ආමාත්‍යවරයෙකුට චෝදනා

(UTV |කොළඹ) – සූර්ය විදුලි බලාගාර ව්‍යාපෘතියක් මෙරට ආරම්භ කිරීම සදහා රුපියල් කෝටි 50ක අල්ලස් මුදලක් ලබාගෙන ඇති බව පාරිභෝගික අයිතීන් සුරැකීමේ ජාතික ව්‍යාපාරය සඳහන් කරයි.

එම සංවිධානය පෙන්වා දෙන්නේ මෙම අල්ලස් මුදල ලබාගත් කැබිනට් ඇමතිවරයා වීමට වැඩිම ඉඩකඩක් ඇත්තේ හිටපු විදුලිබල ඇමැති රංජිත් සියඹලාපිටිය බවයි.

එහි සභාපති රංජිත් විතානගේ මහතා සඳහන් කරන්නේ ලංකා විදුලිබල මණ්ඩලයේ සභාපති විජිත හේරත් මහතාගේ ප්‍රකාශය අනුව එකී කාල සීමාවේ විෂය භාර ඇමතිවරයා ලෙස කටයුතු කර ඇත්තේ සියඹලාපිටිය මහතා බවයි.

අදාළ කාලසීමායේ සියඹලාපිටිය මහතාට අමතරව චම්පික රණවක සහ රවි කරුණානායක මහත්වරුන්ද විදුලිබල අමාත්‍ය ධුරය හෙබවූ බවද ඔහු පෙන්වා දුන්නේය.

Share This

COMMENTS

Wordpress (0)
Disqus ( )