ප්‍රමුඛ පුවත 1

“විල්පත්තු වනය විනාශ කරන බව චෝදනා කිරීම අමූලික බොරුවක් ” – අමාත්‍ය රිෂාද් බදියුදීන්

(උදයම් ,කොළඹ) – විල්පත්තු වනය විනාශ කරන බව චෝදනා කිරීම අමූලික බොරුවක් බව කර්මාන්ත හා වානිජ කටයුතු අමාත්‍ය රිෂාද් බදියුදීන් මහතා පවසයි.

2012 දි එම ප්‍රදේශයේ පාරම්පරික ඉඩම් වන සංරක්ෂිත ප්‍රදේශ ලෙස ගැසට් කරනු ලබනවිට එම ජනයා පුත්තලම ප්‍රදේශයේ සරණාගත කඳවුරුවල සිටිය බවත්, අවුරුදු 22ක් කඳවුරේ සිට යළි ගම් බිම් කරා යන විට ඒවා රජයට පවරාගෙන ඇති බවත් ඔහු කියා සිටියේය.

එම නිසා මෙම පවරාගැනීම නීති විරෝධී බවත්, පාරම්පරික ජනයාට අසාධාරණයක් බවත් ඔහු සඳහන් කළේය.

එසේ වුවද මේ පිළිබඳ කිසිදු නීතිමය ක්‍රියාමාර්ගයක් කිසිවෙකු විසින් මේවන තෙක් ගෙන නොමැති බව මෙහිදී ප්‍රශ්න කළ පසු අමාත්‍යවරයා කියා සිටියේ ඒ සම්බන්ධයෙන් තමා පවා දැනුවත්ව නොසිටි බවයි.

ප්‍රදේශයේ ජනයාද තම ඉඩම් රජයට පවරාගෙන ඇති බවක් නොදන්නා බැවින් මෙම ගැටළු සහගත තත්ත්වය උද්ගතවූ බව අමාත්‍යවරයා අවධාරණය කළේය.

රත්‍රන් ජාවාරමට අදාළව තමාගේ සොහොයුරෙකු අත්අඩංගුවට ගෙන ඇති බවට පළවන වාර්තාවන්ද සත්‍යයෙන් තොර බව අමාත්‍යවරයා කියා සිටියේ දෙරණ 360 වැඩ සටහනට එක්වෙමිනි.

තමාට සහෝදරයන් දෙදෙනෙකු සිටින බවත්, එක් අයෙකු ව්‍යාපාරික කටයුතු කරන බව හා අනෙක් පුද්ගලයා පළාත් සභා මන්ත්‍රීවරයෙකු ලෙස කටයුතු කරන බව සිහිපත් කළ බදියුදීන් මහතා ඒ කිසිවෙකුටත් එරෙහිව චෝදනා නොමැති බව වැඩිදුරටත් කියා සිටියේය.

Click to comment


Leave a Reply

Your email address will not be published. Required fields are marked *

To Top